ئومێد خۆشناو: ڕۆژی چوارشەممە پەڕلەمان بۆ متمانەدان بە وەزیری سامانە سرووشتییەکان کۆدەبێتەوە

ڕۆژی چوارشەممەی داهاتوو پەرلەمانی كوردستان بە مەبەستی متمانەدان بە كاندیدی وەزارەتی سامانە سرووشتییەكان كۆده‌بێته‌وه‌.

ئومێد خۆشناو سه‌رۆكی فراكسیۆنی پارتی دیموكراتی كوردستان به‌كوردستان تیڤى ڕاگه‌یاند ، چوارشه‌ممه‌ى داهاتوو  6 ى 1 ى 2021 ، په‌رله‌مانی كوردستان كۆده‌بێته‌وه‌   بەمەستی پڕکرنەوەی پۆستی وەزیری سامانە سروشتییەکان له‌دوای ئه‌وه‌ی  مەسرور بارزانی، سەرۆکی حکوومەتی هەرێمی کوردستان، د. کەمال ئەتروشی بۆ ئەو پۆستە کاندید کردووە و سیڤییەکەشی ئاراستەی پەرلەمانی کوردستان کراوە.

  ڕاشیگه‌یاند ، له‌و دانیشتنه‌دا كاندیدی وه‌زاره‌تی سامان سروشتیه‌كان ده‌خرێته‌ ده‌نگدان ،ده‌شڵێت  هه‌موو ئاماده‌كارییه‌كان ته‌واو بوونه‌ و سی ڤی كاندیدی وه‌زاره‌ته‌كه‌ له‌په‌رله‌مانی كوردستانه‌.

پرۆفایلی كه‌مال ئه‌ترووشی كاندید بۆ وه‌زیری سامانه‌ سروشتییه‌كان:

 له‌دایكبووی 1955ی ئه‌ترووشه‌ ، له‌ 1975 به‌كالۆریۆسی له‌ جیۆلۆجیا له‌ كۆلیژی زانسته‌كانی به‌غدا ته‌واو كردووه‌ ،  له‌ كۆمپانیای نیشتمانی نه‌وتی عێراق كاریكردووه‌.

 ناوبراو ،  ناردراوه‌ته‌ ده‌ره‌وه‌ بۆ ته‌واوكردنی خوێندنی باڵا و ماسته‌ری له‌ زانكۆی " Université de Bordeaux1" له‌ ساڵی 1987 له‌ باره‌ی جیۆفیزیای دۆزینه‌وه‌ نه‌وتییه‌كان به‌ده‌ستهێناوه‌.

هه‌روه‌ها دكتۆرای له‌ هه‌مان زانكۆ و ساڵی 1991 له‌ پسپۆڕی جیۆفیزیای نه‌وت (دۆزینه‌وه‌ و به‌رهه‌مهێنان) به‌ده‌ستهێناوه‌ و  دوای دكتۆرا له‌ په‌یمانگه‌ی فه‌ره‌نسایی بۆ پترۆڵ كاریكردووه‌ ، 35 ساڵه‌ ئه‌زموونی كاری له‌ بواری جیۆفیزیادا هه‌یه‌.