بەڕێوەبەرایەتى گشتى کەشناسى و بومەلەرزەزانى هەرێمى کوردستان راگەیەندراوێکى لەبارەى کەشوهەواى ئەمڕۆ و سبەینێى شارەکانى هه‌رێمی کوردستان بڵاوکردەوە.
لە راگەیەندراوەکەى بەڕێوەبەرایەتى گشتى کەشناسى و بومەلەرزەزانى هەرێمى کوردستان ئاماژە بەوە کراوە کە پێشبینى دەکرێت ئاسمانى ئەمڕۆ و سبەینێى شارەکانى کوردستان ساماڵ بێت و لەهەندێک کات بۆ نیمچە هەور بگۆڕێت و هەروەها نزمترین پلەى گەرماى پێشبینیکراو لەنێوان پێنج بۆ شه‌ش پلە ببێت.
هاوكات به‌رزترین پله‌ی گه‌رمیش له نێوان 15 بۆ 20 پله‌ی سیلیزی ده‌بێت. ب
ه‌ڕێوه‌به‌رایه‌تی كه‌شناسی هه‌رێم ئاماژه‌ی به‌وه‌شكردووه دوای دوو رۆژ، هه‌ور ئاسمانی زۆربه‌ی ناوچه‌كانی هه‌رێمی كوردستان ده‌گرێته‌وه و ئه‌گه‌ری بارانباریشی ده‌بێت.
کۆمێنت (0)
تا ئێستا هیچ کۆمێنتێک نەکراوە.