هه‌ڤپه‌یمانا ناڤنه‌ته‌وه‌یی رادگه‌هینه، د هن رۆژێن بێت ده كاروانه‌كێ دن یا ئالیكاری یێن له‌شكه‌ری دگه‌هه ده‌ستێ هێزێن پێشمه‌رگه.
وه‌ین مه‌رۆتۆ په‌یڤدارێ هه‌ڤپه‌یمانێ ناڤنه‌ته‌ویی دژ ب داعش د تویته‌كێ ده به‌لاڤ كریه، د هن رۆژێن بێت ده، كاروانه‌كه دن یا ئالیكاری یێن له‌شكه‌ری دگه‌هه ده‌ستێ هێزێن پێشمه‌رگه.
ئێماژه ب وێ یه‌كێ ژی كر، ل سالا دووهزار و چارده تا نها، هه‌ڤپه‌یمانێن ناڤنه‌ته‌وه‌یی ب گوژمێ پێنج ملیار دۆلاران ئالیكاری یا هێزێن پێشمه‌رگه و هێزێن عێراقی كرنه، كو ئه‌و ئالیكاری پێكهاتنه ژ پێدانا چه‌ك و ته‌قه‌مه‌نی و مه‌شقێن سه‌ربازی.
د وێ چارچوڤێ دا مه‌شق و راهێنان ب پێنجی و پێنج هزار پێشمه‌رگه و سه‌د و هه‌شتێ و پێنج هزار سه‌ربازێن هێزێن عێراقی كرنه.
په‌یڤدارێ هه‌ڤپه‌یمانێ ناڤنه‌ته‌وه‌یی په‌یامه‌كه فه‌رماندارێ ناڤنه‌ته‌وه‌یی یا له‌شكه‌رێ ولاتێ خوه ژی به‌لاڤكر و ئه‌شكه‌ره كر، قۆناغه‌كه دن یا ئالیكارییان كو ل سه‌دان ئۆتۆمۆبێلێن له‌شكه‌ری پێكهاتنه ده‌ستپێدكن و د هه‌یامه‌كه نێزیك ده دگه‌هنه ده‌ستێ هێزێن پێشمه‌رگه و هێزێن عێراقی، هه‌روه‌ها له‌شكه‌رێ ئه‌مه‌ریكایێ ئێماژه ب وێ یه‌كێ كریه كو، ئه‌و پرۆسه‌یه د چارچوڤا پڕ چه‌ك كرنا هه‌ڤپه‌مانانه ژبۆ پاراستنا ئاسایش و ئێمناهی یا ده‌ڤه‌رێیه.
کۆمێنت (0)
تا ئێستا هیچ کۆمێنتێک نەکراوە.