له‌راگه‌یاندراوێكدا ، به‌ڕێوه‌به‌رایه‌تى پۆلیسی ڕاپه‌رین ڕایده‌گه‌ێنێت ، ته‌رمی قوتابیه‌ك له‌ناو باڵه‌خانه‌یه‌كی ته‌واو نه‌كراو به‌هه‌ڵواسراوی دۆزرایه‌وه.
پۆلیسی ڕاپه‌رین ، ڕایده‌گه‌ێنێت ، كه‌كاتژمێر 9 ى به‌یانی ئه‌مڕۆ یه‌كشه‌ممه 27 ى 12 ى 2020 ، تەرمی گەنجێک گەیەنرایە پزیشکی دادوەری ڕانیە کە شوێنەواری پەت بە ملیەوە هەبووە، دوای ئەنجامدانی توێکاری پزیشکی بۆ تەرمەکەی پاشان بۆ گرتنەبەری ڕێ و شوێنی یاسایی زیاتر تەرمەکەی هەواڵەی پزیشکی دادی سلێمانی کرا.
پۆلیسی ڕاپه‌رین ڕاشیده‌گه‌ێنێت ، گەنجەکە بەناوی ( ه،ت،س ) لە ڕەگەزی نێر، لەدایک بووی ساڵی 2001 کە پیشەی قوتابیه و دانیشتوی ڕانیە گەڕەکی ڕاپەڕینە، تەرمەکەی لەناو بینایەکی تەواو نەکراو لە ڕانیە گەڕەکی قولـله بە هەڵواسراوی دۆزرایەوە، پاشان گەیەنرایە پزیشکی دادوەری ڕانیە.
له‌كۆتاییدا ، پۆلیسی ڕاپه‌رین ڕایده‌گه‌ێنێت ، كه‌په‌ڕاوی لێكۆڵینه‌وه بۆ ڕوداوەکە کرایەوە و بۆ زانینی هۆکاری ڕاستقینەی ڕوداوەکە لێکۆڵینەوە دەستی پێکردووە و بەردەوامە.
داڕشتنه‌وه‌ى هه‌واڵ - شوان عه‌زیز
کۆمێنت (0)
تا ئێستا هیچ کۆمێنتێک نەکراوە.