مسته‌فا کازمی بە سەردانێکی چاوەڕواننەکراو گەیشتە ئوردن

ئه‌مشه‌و سه‌رۆك وه‌زیرانی عێراق، سه‌ردانێكی خێرای بۆ ئوردن ئه‌نجامدا و له‌گه‌ڵ پادشی ئه‌و وڵاته‌ كۆبووه‌وه‌.

نووسینگەی ڕاگەیاندنی مسته‌فا کازمی سه‌رۆك وه‌زیرانی عێراق بڵاویکردەوە، ئەمڕۆ مسته‌فا کازمی بە سەردانێکی کاری خێرا گەیشتە ئوردن و لەگەڵ عەبدوڵڵای دووەم  پادشای ئەو وڵاتە کۆبووەتەوە.

بە گوێرەی راگەیەندراوەکە، هەردوولا گفتوگۆیان کردووە دەربارەی سەرجەم پەیوەندییە هاوبەشەکان و ئەو کێشە و قەیرانانەی کە جێگەی بایەخی هەردوولان، بە تایبەت ڕوبەڕوبوونەوەی قەیرانە ئابورییەکانی ئێستا و چۆنێتی بوژانەوە لە کاریگەرییەکانی ڤایرۆسی کۆرۆنا  لەسەر ئابوری هەردوو وڵاتی دۆست.