لە کەرکوک هێرش کرایە سەر تەکییەی کەسنەزانی و دەروێشێک بریندارە

ئه‌مشه‌و هه‌ینی له‌سه‌ر شه‌ممه‌، چه‌كدارێكی نه‌ناسراو ته‌قه‌ له‌ ته‌كیه‌ی ته‌ریقه‌تی كه‌سنه‌زانی له‌ كه‌ركوك ده‌كات و به‌هۆی ته‌قه‌كردنه‌كه‌شه‌وه‌ ده‌روێشێك ده‌بێته‌ قوربانی.

له‌ باره‌ی ڕووداوی ته‌قه‌كردنه‌كه‌وه‌ پۆلیسی كه‌ركوك به‌ كوردستان تیڤی ڕایگه‌یاند:  له‌ گه‌ڕه‌كی عاشووری شاری كه‌ركوك ، چه‌كدارێك هێرشی كرده‌ سه‌ر ته‌كیه‌ی ته‌ریقه‌تی شێخ مه‌حه‌مه‌د عه‌بدولكه‌ریم كه‌سنه‌زانی و له‌ هێرشه‌كه‌شدا ده‌روێشێك بریندار بوو.

ڕاشیگه‌یاند: پاش ڕووداوه‌كه‌ هێزه‌كانی پۆلیس گه‌یشتنه‌ شوێنى ڕووداوه‌كه‌ و په‌ڕاوی لێكۆڵینه‌وه‌یان بۆ ڕووداوه‌كه‌ ڕێكخشت.

ئاماژه‌ی به‌وه‌شكردووه‌: له‌ ئێستادا لێكۆڵینه‌وه‌ له‌ ڕووداوه‌كه‌ ده‌ستیپێكردووه‌ و هێزه‌ ئه‌منییه‌كان له‌ شوێنی ڕووداوه‌كه‌ بڵاوه‌یان پێكراوه‌.