پارێزگارێ دهۆکێ دگەل شاندێ حکۆمەتا عیراقێ ل ئەنقەرەیا پایتەختێ تورکیایە

ئەڤرۆ پشتی نیڤرۆ شاندەکێ بلندێ حکۆمەتا عیراقا فیدرال ب سەرۆکاتیا “مستەفا کازمی” سەرۆک وەزیرێن عیراقێ ب بەژداریا “د.عەلی تەتەر” پارێزگارێ دهۆکێ ل ئەنقەرەیا پایتەختێ تۆرکیا ژلایێ “رەجەب تەیب ئەردوگان” سەرۆک کۆمارێ تۆرکیا هاتنە پێشوازیکرن.

پشتی کۆمبوونێ دگەل سەرۆک کۆمارێ تۆرکیا هەر دوولا دکۆنگرەیەکێ رۆژنامەڤانی دا ئارمانجا سەرەدانی دانە دیارکرن و چەند رێکەفتن ئیمزاکرن.

ل دویڤ کارناما سەرەدانا شاندێ بلندێ حکۆمەتا عیراقێ، کونترۆلکرنا سنورێ دناڤبەرا عیراق و تورکیا، زێدەکرنا ئالۆگوریا دناڤبەرا هەردوو وەلاتان، هەماهەنگیا تایبەت دبیاڤێ ئاڤ و نەفتێ و هنارتنا وان، زێدەکرنا وەبەرهێنانا تورکی ل عیراقی، رێکا ستراتیژی دناڤبەرا بەندەرێ فاو و تورکیا، راگرتنا هێرشێن ئاسمانی یێن تۆرکیا دئەردێ عیراقێ دا، کێشا پارتیا کرێکارێن کوردستانێ-پەکەکێ، کاراکرنا رێکەفتناما پێدانا ڤیزایێ، کاراکرنا لژنا هەڤپشکا دناڤبەرا هەردوو لایان دا بەشەک ژ کارناما ڤێ سەرەدانێ بوون.

 ڕاگەهاندنا پارێزگەها دهۆکێ