به‌ڕێوه‌به‌رایه‌تی پۆلیسی ڕاپه‌ڕین ئه‌مڕ سێشه‌م ده‌ستگیركردنی دوو كه‌سی ڕاگه‌یاند كه له حه‌وزێكدا له قه‌ڵادزێ ماسییان دزی بوو.
پۆلیسی ڕاپه‌ڕین بڵاوی كرده‌وه: دوای ئەوەی هاووڵاتییەک کە خاوەنی کێڵگەیەکی بەخێوکردنی ماسییە، سکاڵای تۆمار کرد کە بە وتەی خۆی "لە حەوزەکەیدا ماسی دزراوە"، دەستبەجێ دەست کرا بە لێکۆڵینەوە.
بڵاویشی كرده‌وه: لەلایەن هێزەکانمان لە بنکەی پۆلیسی ڕاپەڕین و پۆلیسی فریاکەوتن، 2 تۆمەتبار دەسگیر کران و دوای لێکۆڵینەوە لەگەڵیاندا دانیان ناوە بە تاوانەکەیاندا.
هه‌روه‌ها بڵاوی كرده‌وه كه بە وتەی تۆمەتباران "چەند جارێک دزییان لەو حەوزە کردووە"، و لە کاتی دەستگیرکردنیاندا دەستگیرا بەسەر 14 ماسی و ئۆتۆمبێلێکی بەکارهاتوو لە جۆری (مسیۆبووشی).
به‌ڕێوه‌به‌رایه‌تی پۆلیسی ڕاپه‌ڕین ئاماژه‌ی به‌وه‌ش دا كه بە بڕیاری دادوەر و بە ماددەی 446 لە یاسایی سزادانی عیراقی هەردوو تۆمەتبارەکە ڕاگیرکراون و لێکۆڵینەوەش لەگەڵیاندا بەردەوامە.
کۆمێنت (0)
تا ئێستا هیچ کۆمێنتێک نەکراوە.