وه‌زاره‌تی ته‌ندروستی حكوومه‌تی هه‌رێمی كوردستان ڕأیگه‌یاند كه سه‌رجه‌م تیمه‌كانی فڕیاگوزاری خێرا و ئه‌مبوڵانس و پزیشكی فریاكه‌وتن به‌هۆی پێشبینی كۆبوونه‌وه‌ی ئاو و مه‌ترسی دروستبوونی لافاو خراونه‌ته ئاماده‌باشییه‌وه.
وه‌زاره‌تی ته‌ندروستی ڕایگه‌یاند: له‌سه‌ر داوای د. سامان به‌رزنجی وه‌زیری ته‌ندروستی سه‌رجه‌م تیمەکانی فریاگوزاری خێرا 122 و تیمەکانی ئەمبوڵانس و پزیشکی فریاکەوتن لە ئامادەباشی ده‌بن بۆ هەر پێشبینییەکی بارانی بەخوڕ و ئەگەری ڕوودانی لافاو به مه‌به‌ستی بەهاناوەچوون و پێشوازیکردنی هاووڵاتییان.
به‌گوێره‌ی پێشبینییه‌كانی كه‌شناسی به‌ره‌به‌یانی ئه‌مڕۆ هه‌ینی بۆ ماوه‌ی نزیكه‌ی 24 كاتژمێر له سه‌رجه‌م شار و ناوچه‌كانی هه‌رێمی كوردستان بارانی به‌خوڕ ده‌ستپێده‌كات و هۆشداریش دراوه له ئه‌گه‌ری كۆبوونه‌وه‌ی ئاو و دروستبوونی لافاو به‌تایبه‌ت له پارێزگای هه‌ولێر.
کۆمێنت (0)
تا ئێستا هیچ کۆمێنتێک نەکراوە.