پۆلیسی ئه‌ڵمانیا ئاشكرای كرد، ئه‌مڕۆ دووشه‌م به‌هۆی ته‌قینه‌وه‌یه‌ك له به‌نزینخانه‌یه‌كی شاری هامه‌رسپاگ له هه‌رێمی هیس له ناوه‌ڕاستی ئه‌ڵمانیا دوو كه‌س گیانیان له‌ده‌ست دا.
ته‌قینه‌وه‌كه به‌هۆی ئاگركه‌وتنه‌وه له به‌نزینخانه‌یه‌كی ڕێگای خێرای 45 له نزیك شاری هامه‌رسپاگ ڕوویداوه و له ئه‌نجامیشدا دوو كه‌س گیانیان له‌ده‌ستداوه، هه‌روه‌ها خواردنگه‌یه‌كیش له نزیك به‌نزینخانه‌كه زیانێكی زۆری به‌ركه‌وتووه.
پۆلیسی ئه‌ڵمانیا ئاشكراشی كرد كه تا ئێستا به ته‌واوی هۆكاری ڕووداوه‌كه نه‌زانراوه، به‌ڵام به‌گوێره‌ی زانیارییه سه‌ره‌تاییه‌كان دوو كه‌س بوونه‌ته سه‌رچاوه‌ی ئاگركه‌وتنه‌وه‌كه و تا ئێستاش لێكۆڵینه‌وه له هۆكاری ته‌قینه‌وه‌كه به‌ردوامه.
کۆمێنت (0)
تا ئێستا هیچ کۆمێنتێک نەکراوە.