هاوپەیمانی نێودەوڵەتی دژی داعش: لە هاوکارییکردنی ھەسەدە بەردەوام دەبین

ھاپەیمانی نێودەوڵەتی دژی داعش، رایگه‌یاند، ھاوكارییەكانیان بۆ ھەسەدە بەردەوام دەبێت و ناشیانەوێت ئاڵۆزییان لەگەڵ رووسیا بۆ دروست ببێت.

مایلز كاگینز، گوتەبێژی ھاوپەیمانی نێودەوڵەتی دژی داعش لە كۆنفرانسێكی رۆژنامەوانیدا لەگەڵ ھەسەدە رایگەیاند، دەیانەوێت لەگەڵ ھەسەدە بەسەر داعشدا سەربكەون.

مایڵز كاگینز رایگەیاند" چەكدارانی داعش لە سەرجەم ناوچەكانی رۆژئاڤای كوردستان هەیە، هاوپەیمانی نێودەوڵەتی دەیەوێت لەگەڵ هێزەكانی سوریای دیموكرات بەردەوام بێت لە رووبەرووبونەوەی چەكدارانی داعش لەو ناوچانەدا.

وتیشى" ئێمە هەماهەنگییەكانمان بەردەوامە بۆ پاراستنی ناوچەكانی ژێر دەستی سوریای دیموكرات لەوانەش كێڵگە نەوتیەكان، هەندێك لایەن دەیانەوێت سوریای دیموكرات لە كارو چالاكییەكانیان بوەستێنن، بەڵام ئێمە رێگە بەوە نادەین.

كاگینز هه‌روه‌ها وتی" هاوپەیمانی نێودەوڵەتی لە حەسەكە و دێرزور هاوبەشە لەگەڵ هێزەكانی سوریای دیموكرات، ئێمە لە ناوچەكان بەردەوام دەبین لە پاراستنی رێگاكان، لەگەڵ روسەكانیش لە هەماهەنگیداین، ئێمە لەگەڵ هیچ هێزێك لە ناوچەكە نامانەوێت بكەوینە شەڕەوە، بەتایبەت لەگەڵ روسیا، ئێمە ئاشتیمان دەوێت و لەوە زیاترمان ناوێت.

وتەبێژی هێزەكانی هاوپەیمانی نێودەوڵەتی دژی داعش راشیگەیاند" هاوپەیمانی نێودەوڵەتی لە ناوچەی رۆژئاوای سوریا بە ئاراستەی رۆژهەڵات رۆشتوە و ئێمە لە دێرزور و حەسەكە دەبین و لە ئێستادا ناچینە ئیدلیب.