عه‌باس موسه‌وی وته‌بێژی وه‌زاره‌تی ده‌ره‌وه‌ی ئێران به‌بۆنه‌ی ئه‌و هێرشه چه‌كدارییه‌ی له شاری ئه‌لپاسۆی ویلایه‌تی تێكساسی ئه‌مه‌ریكا ڕوویدا و گیان له‌ده‌ستدانی 20 كه‌سی لێكه‌وته‌وه، سه‌ره‌خۆشیی له گه‌لی ئه‌مریكا كرد.
موسه‌وی په‌یامێكی سه‌رخۆشیی بڵاوكرده‌وه و هێرشه‌كه‌ی به ترسناك ناوبردووه و سه‌ره‌خۆشیی له كه‌سوكاری قوربانییان و گه‌لی ئه‌مریكا ده‌كات و هیوای چاكبوونه‌وه‌ی به‌په‌له‌ی بۆ برینداره‌كان خواستووە.
شایه‌نی باسه له په‌لامارێكی چه‌كداریدا له بازاڕی هاوچه‌رخی سیلۆ ڤیستا له شاری ئه‌لپاسۆ، 20 كه‌س گیانیان له‌ده‌ستدا و نزیكه‌ی 40 كه‌سی دیكه‌ش برینداربوون.
ئه‌نجامده‌ری په‌لاماره‌كه پاتریك كروسیه‌سی ته‌مه‌ن 21 ساڵ دوای په‌لاماره‌كه ده‌ستگیركرا.
کۆمێنت (0)
تا ئێستا هیچ کۆمێنتێک نەکراوە.