به‌پێى هه‌واڵێكى رۆیته‌رز، محه‌مه‌د جه‌واد زه‌ریف وه‌زیرى ده‌ره‌وه‌ى ئێران رۆژى چوارشه‌ممه 31ى ته‌مموزى 2019، له ته‌له‌فزیۆنى فه‌رمى وڵاته‌كه‌ى رایگه‌یاند: ئێران به نیازه پابه‌ندبوونه‌كانى به رێككه‌وتنى نێوده‌وڵه‌تى ئه‌تۆمى زیاتر كه‌م بكاته‌وه، ئه‌گه‌ر هاوكاره ئه‌وروپیكان هه‌نگاو نه‌نێن بۆ پاراستنى وڵاته‌كه‌یان له سزاكانى ئه‌مریكا و دڵنیا بكرێنه‌وه له رێگا پێدانیان به فرۆشتنى نه‌وت و داهاتى وه‌ربگرن.
محه‌مه‌د جه‌واد زه‌ریف گوتى: له‌ژێر ئه‌و بارودۆخه‌ى ئێستا ئه‌گه‌ر هیچ كردارێك له‌لایه‌ن ئه‌وروپییه‌كانه‌وه ئه‌نجام نه‌درێت، ئێمه به هه‌نگاوى داهاتوومان هه‌ڵده‌ستین كه (بڕینى پابه‌ند بوونمانه له رێككه‌وتنى ئه‌تۆمى) .
هه‌روه‌ها ئاماژه‌ى به‌وه‌شدا ده‌بێت هاوكاره ئه‌وروپیه‌كانمان گه‌ره‌نتى به ئێران بده‌ن تا بتوانێ نه‌وت بفرۆشێت و داهاته‌كه‌شى وه‌ربگرێت.
ئێران رایگه‌یاندووه ئه‌گه‌ر ئه‌وروپییه‌كان ڕێگا نه‌دۆزنه‌وه بۆ پاراستنى ئابووریان له سزاكانى ئه‌مریكا ئه‌وا پابه‌ند نه‌بوونیان به رێككه‌وتنى ئه‌تۆمى زیاتر ده‌كه‌نه‌وه و له‌وانه‌شه به یه‌كجارى له رێككه‌وتنه‌كه بكشێنه‌وه.
ئاماده‌كردن وه‌رگێڕان/ سیروان عه‌زیز
کۆمێنت (0)
تا ئێستا هیچ کۆمێنتێک نەکراوە.