عه‌باس عه‌راقچی جێگری وه‌زیری ده‌ره‌وه‌ی ئێران رایگه‌یاند: هیچ فرۆكه‌یه‌كی ئێمه نه له گه‌رووی هۆرمز و نه له هیچ شوێنێكی دیكه تێك نه‌شكاوه .
به‌پێی هه‌واڵی ئاژانسی سپیۆتینیكی رووسی ،عه‌باس عه‌راقچی جێگری وه‌زیری ده‌ره‌وه‌ی ئێران له تویتێكیدا ئاشكرای كردووه: هیچ فرۆكه‌یه‌كی ئێمه نه له گه‌رووی هۆرمز و نه له هیچ شوێنێكی دیكه تێك نه‌شكاوه، ئاماژه‌ی به‌وه‌شكردووه له‌وه نیگه‌رانین كه ئه‌مریكا به هه‌ڵه فرۆكه‌ی خۆیانی تێكشكاندبێت.
ئه‌م لێدوانه‌ی عه‌راقچی دوای ئه‌وه هات كه شه‌وی رابردوو دۆناڵد تره‌مپ سه‌رۆككۆماری ئه‌مریكا ئاشكرایكرد: فرۆكه‌یه‌كی بێفرۆكه‌وانی ئێرانیان له گه‌رووی هۆرمز به‌رداوه‌ته خواره‌وه.
سه‌رۆكی ئه‌مریكا هه‌روه‌ها رایگه‌یاندبوو: فرۆكه ئێرانییه‌كه له دووری 900 مه‌تری به‌سه‌ر كه‌شتییه‌كی جه‌نگی ئه‌مریكا ده‌فرێ كه به گوته‌ی ئه‌و، ئاسایشی كه‌شتییه ئه‌مریكییه‌كه‌ی خستبووه ژێر مه‌ترسی به‌م هۆیه‌وه ته‌قه‌ی لێكردووه و به‌ریداوه‌ته خواره‌وه.
کۆمێنت (0)
تا ئێستا هیچ کۆمێنتێک نەکراوە.