له راگه‌یه‌ندراوی هاوبه‌شی به‌ریتانیا، ئه‌ڵمانیا و فه‌ڕه‌نسادا داوا له ئێران كراوه له پیتاندنی یۆرانیۆمدا بگه‌ڕێته‌وه بۆ ئه‌و بڕه‌ی كه له رێككه‌وتنی ئه‌تۆمیدا بۆی دیاریكراوه.
نوێنه‌رایه‌تی باڵای ئاسایش و سیاسه‌تی ده‌ره‌وه‌ی یه‌كێتیی ئه‌ورووپا له‌گه‌ڵ به‌ریتانیا، وه‌زیرانی ده‌ره‌وه‌ی فه‌ڕه‌نسا و ئه‌ڵمانیا له راگه‌یه‌ندراوێكی هاوبه‌شدا نیگه‌رانی خۆیان ده‌ربڕیوه به‌رامبه‌ر تێپه‌ڕاندنی سنووری پیتاندنی یۆرانیۆم له لایه‌ن ئێرانه‌وه كه بۆی دیاریكرابوو.
له راگه‌یه‌ندراوه‌كه‌دا هاتووه، نیگه‌رانین له‌م بڕیاره كه ده‌بێته هۆی لێپێچینه‌وه له ئامرازێك كه پێویسته بۆ رێگریكردن له بڵاوبوونه‌وه‌ی چه‌كی ئه‌تۆمی. داوا له ئێران ده‌كه‌ین پاشگه‌زبێته‌وه له‌م هه‌نگاوی و خۆیشی به‌دوور بگرێت له‌هه‌ر رێوشوێنێكی تر كه رێككه‌وتنی ئه‌تۆمی پێشێل ده‌كات.
جگه له‌وه له چوارچێوه‌ی مادده‌كاندا له هه‌نگاوی داهاتوودا له‌گه‌ڵ لایه‌نه‌كانی تری رێككه‌وتنی ئه‌تۆمی هه‌ڵسه‌نگاندنێكی خێرا ئه‌نجام ده‌درێت.
هاوكات میدیای ئەمریکی دوای هەڵوەشاندنەوەی سەردانەکەی مایک پێنس، یاریدەدەری سەرۆکی ئەمریکا ، هەواڵی ئەوەیان بڵاو کردەوە کە پێنس بەپەلە بانگهێشتی کۆشکی سپی کراوە، به‌ڵام ئالیسا فەرەح، گوتەبێژی پێنس لە تویتەر راگەیەندراوێکی بڵاو کردەوە و ئاماژەی بەوەدا دۆخێک دروست بوو کە پێویست بوو یاریدەدەری سەرۆک لە واشنتۆن بمێنێتەوە و رەتی کردەوە هیچ دۆخێکی له‌ناکاو لە ئارادابێت کە ببێە هۆی دواخستنی گەشتەکەی بۆ نیوهامپشیر.
کۆمێنت (0)
تا ئێستا هیچ کۆمێنتێک نەکراوە.