به‌پێى هه‌واڵێكى زه تایم ئۆف ئیسرائیل، سه‌رۆكى لیژنه‌ى ئاسایشى نیشتیمانى و سیاسه‌تى ده‌ره‌وه له په‌رله‌مانى ئێران رایگه‌یاند: ئه‌گه‌ر ئه‌مریكا هێرش بكاته سه‌رمان له ماوه‌ى 30 خوله‌كدا ئیسرائیل خاپوور ده‌كه‌ین.
ڕۆژى دووشه‌مه 1ى ته‌مموزى 2019، ئاژانسى میهرى ئێرانى له‌زارى موجته‌با زولنور سه‌رۆكى لیژنه‌ى ئاسایشى نیشتیمانى و ده‌ره‌وه له په‌رله‌مانى ئێران گواستییه‌وه، كه ئه‌گه‌ر ئه‌مریكا هێرش بكاته سه‌رمان ته‌نها نیو كاتژمێر له ته‌مه‌نى ئیسرائیل ده‌مێنێته‌وه.
ئه‌مه‌ش له كاتێكدایه ده‌سه‌ڵاتدارانى ئێران رایانگه‌یاند: بڕى پیتاندنى یۆرانیۆمیان تێپه‌راندووه كه به‌پێى ڕیێككه‌وتنه ئه‌تۆمییه‌كه بۆیان دیاریكرابوو، ئه‌مه یكه‌م نیشانه‌ى ده‌رچوونى ئیرانه له ڕێككه‌وتنه ئه‌تۆمییه‌كه كه دواى ساڵیك له كشانه‌وه‌ى ئه‌مریكا دێت له رێككه‌وتنه‌كه‌ى ساڵى 2015.
کۆمێنت (0)
تا ئێستا هیچ کۆمێنتێک نەکراوە.