سه‌رۆکی ئه‌مریکا : ئێران یاری به‌ ئاگر ده‌کات

دۆناڵد تره‌مپ ، سه‌رۆكی ویلایه‌ته‌یه‌كگرتووه‌كانی ئه‌مریكا راده‌گه‌ێنێت: ئێران ده‌زانێت چی ده‌كات و یاری به‌ ئاگر ده‌كات.

تره‌مپ له‌ كۆشكی سپی له‌ وه‌ڵامێكیدا بۆ ڕۆژنامه‌نووسان كاتێك سه‌باره‌ت به‌وه‌ی كه‌ ئایا هیچ په‌یامێكی هه‌یه‌ بۆ ئێران پرسیاری لێكرا گوتی : ئێران ده‌زانێت چی ده‌كات و یاری به‌ ئاگر ده‌كات.

ساڵێك دوای كشانه‌وه‌ی ئه‌مه‌ریكا له‌ ڕێكه‌وتنه‌ ناوه‌كییه‌كه‌ و سه‌پاندنه‌وه‌ی سزاكان به‌سه‌ر تاراندا، گرژییه‌كانی نێوان ئه‌مه‌ریكا و ئێران زیادیان كردووه‌و ئێرانیش ڕایگه‌یاندووه‌ ئه‌و سنووره‌ی تێپه‌ڕاندووه‌ كه‌ به‌پێی ڕێكه‌وتنه‌ ناوه‌كییه‌كه‌ بۆی دیاریكراوه‌ بۆ عه‌مباركردنی یۆرانیۆمی پیتێنراو.

سه‌رچاوه‌/ ڕۆیته‌رز- ده‌نگی ئه‌مریكا