حكوومه‌تی ئێران رایگه‌یاند كه ئاستی پیتاندنی یۆرانیۆمی ئه‌و سنووره‌ی تێپه‌ڕاندووه كه له رێككه‌وتنی ئه‌تۆمیدا ئاماژه‌ی پێ كراوه و به 300 كیلۆگرام دیاریكرابوو.
ئاژانسی هه‌واڵیی فارس "Fars" بڵاویکردەوە، حكوومه‌تی تاران سنووری ئاستی پیتاندنی یۆرانیۆمی له‌سه‌دا 3،67 كه ده‌كاته 300 كیلۆگرام وه‌ك ئه‌وه‌ی له رێككه‌وتنی ئه‌تۆمییدا دیاریكراوه، تێپه‌ڕاندووه.
چاودێرانی دامه‌زراوه‌ی وزه‌ی ئه‌تۆمی نێوده‌وڵه‌تی (UAEK) له رۆژی چوارشه‌ممه‌وه تا ئێستا بڕی یۆرانیۆمی پیتێنراوی ئێرانیان پێوانه‌کردووە و ئاماژه‌یان به‌وه كرد كه رێژه‌ی پیتاندن 300 كیلۆگرامی تێپه‌ڕاندووه.
گوته‌بێژی دامه‌زراوه‌ی ئه‌تۆمی ئێران، به‌هروز كه‌مالفه‌ندی له روونكردنه‌وه‌یه‌كدا له 26ی حوزه‌یراندا رایگه‌یاندبوو كه دوای ته‌واوبوونی ئه‌و ماوه‌یه‌ی بۆ لایه‌نه ئه‌ورووپیه‌كانیان دیارییكردووه بڕی یۆرانیۆمی پیتێنراو زیاد ده‌كه‌ن.
کۆمێنت (0)
تا ئێستا هیچ کۆمێنتێک نەکراوە.