به‌ره‌‌به‌یانی ئه‌مڕۆ چوارشه‌ممه ئیمام و خه‌تیبی شاری كازرون له‌و به‌رده‌م ماڵه‌كه‌ی خۆیدا كوژرا.
له‌مباره‌وه ئاژانسی هه‌واڵی ئیسنا ئاشكرای كرد: به‌ره‌‌به‌یانی ئه‌مڕۆ چوارشه‌ممه محه‌مه‌د خورسه‌ند ئیمام و خه‌تیبی شاری كازرون سه‌ر به پارێزگای فارس، دوای نوێژی به‌یانی و له رێگه‌ی چوون بۆ ماڵه‌وه، له لایه‌ن كه‌سێكه‌وه به چه‌قۆ هێرشی كرایه سه‌ر و كوژرا.
به پێی هه‌واڵه‌كه بكوژه‌كه‌ی ئیمام و خه‌تیبی كازرون، به پلانی پێشوه‌خته له به‌رده‌م ماڵه‌كه‌ی چاوه‌ڕێی كردووه و به بیانووی وێنه‌‌گرتن له گه‌ڵی خۆی لێ نزیك كردووه‌ته‌وه و دواتر به چه‌قۆ هێرشی كردووه‌ته سه‌ر و كوشتوویه‌تی.
بكوژه‌كه كه‌سێكی ته‌مه‌ن 40 ساڵانه و پیشه‌ی وێنه‌گر بووه و له لایه‌ن هێزه‌كانی پۆلیس ناسراوه به‌ڵام تاكوو ئێستا نه‌توانراوه ده‌ستگیر بكرێت.
کۆمێنت (0)
تا ئێستا هیچ کۆمێنتێک نەکراوە.