ئه‌مریکا : سزا ده‌خرێته‌ سه‌ر ئه‌و لایه‌ن و وڵاتانه‌ى که‌هاوکاری ئێران ده‌که‌ن

ویلایه‌ته‌ یه‌كگرتووه‌كانی ئه‌مه‌ریكا هه‌ڕه‌شه‌ی سه‌پاندنی سزای بۆ سه‌ر هه‌ر وڵات و لایه‌نێك كرد كه‌ هاوكاری كۆماری ئیسلامی ئێران بكات له‌ فرا‌وانكردنی وێستگه‌ی ئه‌تۆمی بوشه‌هر

هاوكات ئه‌مه‌ریكا به‌ توندی هۆشداری دا كه‌ به‌ هیچ شێوه‌یه‌ك ڕێ به‌ ئێران نادات ئاوی قورس بگوازێته‌وه‌ كه‌ بۆ پیتاندنی یۆرانیۆم به‌كارده‌هێنرێت. 

مایك پۆمپیۆ وه‌زیری ده‌ره‌وه‌ی ئه‌مه‌ریكا  له‌ لێدوانێكدا ئاماژه‌ی به‌وه‌ش ‌كرد ڕێژه‌ی له‌سه‌دا بیستی ته‌واوی ئابووری ئێران له‌ ژێر ده‌ستی سوپای پاسدارانه‌ و ئه‌ركی واشنتۆن ئه‌وه‌یه‌ كه‌ تواناكانی سوپای پاسداران و فه‌یله‌قی قودس كه‌م بكاته‌وه‌.