مه‌ولود چاوش ئۆغلۆ، وه‌زیری ده‌ره‌وه‌ی توركیا واده‌ی سه‌ردانه‌كه‌ی ره‌جه‌ب ته‌یب ئه‌ردۆغان –ی بۆ به‌غدای پایته‌خت ئاشكرا كرد.
چاوش ئۆغلۆ له كۆنگره‌یه‌كی رۆژنامه‌وانی هاوبه‌شدا له‌گه‌ڵ محه‌مه‌د عه‌لی حه‌كیم ، وه‌زیری ده‌ره‌وه‌ی عێراق كه له‌باڵه‌خانه‌ی وه‌زاره‌تی ده‌ره‌وه‌ی عێراق له به‌غدا به‌رێوه‌چوو رایگه‌یاند: ره‌جه‌ب ته‌یب ئه‌ردۆغان ، سه‌رۆك كۆماری توركیا له كۆتاییه‌كانی ساڵی 2019 بۆ به‌شداریكردن له كۆبوونه‌وه‌ی چواره‌می ئه‌نجومه‌نی هاريكاری ستراتیژی نێوان هه‌ردوو وڵات، سه‌ردانی عێراق ده‌كات.
هه‌روه‌ها گوتیشی: ره‌زامه‌ندیمان وه‌رگرتووه كونسولخانه‌یه‌ك له شاری نه‌جه‌ف بكه‌ینه‌وه‌و له هه‌وڵیشداین كونسولخانه‌یه‌ك له كه‌ركوك بكه‌ینه‌وه.
سه‌رله‌به‌یانی ئه‌مڕۆ مه‌ولود چاوش ئۆغلۆ، وه‌زیری ده‌ره‌وه‌ی توركیا به‌سه‌ردانێك گه‌یشته به‌غداو له‌گه‌ڵ به‌رپرسانی باڵای عێراق كۆده‌بێته‌وه.
وه‌رگێڕان و داڕشتنه‌وه‌ی / رزگار
سه‌رچاوه / میدیای عێراق
کۆمێنت (0)
تا ئێستا هیچ کۆمێنتێک نەکراوە.