ئەمڕۆ 2019/4/24 د.فوئاد حوسێن جێگری سەرۆك وەزیران بۆ كاروباری ئابووری – وەزیری دارایی لە نووسینگەی تایبەتی خۆی لە بەغدا پێشوازی لە بەڕێز بەنگین رێكانی وەزیری ئاوەدانكردنەوە و نیشتەجێكردن كرد.
لەم دیدارەدا كە بەڕێز بەڕێوەبەری گشتی فەرمانگەی خانووبەرە لە وەزارەتی دارایی ئامادەی بوون، باس لە دەستپێشخەری سەرۆك وەزیران كرا لەبارەی دابەشكردنی زەوی نیشتەجێبوون بۆ چینە جیاوازەكانی كۆمەڵگا بەپشت بەستن بە پرۆگرامی حكومی كە لە ئەنجومەنی وەزیران پەسەند كراوە.
لەلای خۆشیەوە جێگری سەرۆك وەزیران – وەزیری دارایی فەرمانگەی خانووبەرەی ئاراستە كرد بۆ ئاسانكردنی رێ وشوێنی دابەشكردنی زەوی و ئامادەكردنی شوێنی شایستە بۆ ئەم پرۆسەیە لەو ڕووبەرانەی كە سەر بەوەزارەتی دارایین بۆ ئەوەی بچنە نێو ئەو پلانەوە.
کۆمێنت (0)
تا ئێستا هیچ کۆمێنتێک نەکراوە.