وه‌زیری ده‌ره‌وه‌ی ئه‌مریكا، مایك پۆمپیۆ په‌یوه‌ندییه‌كی ته‌له‌فۆنی له‌گه‌ڵ سه‌رۆكوه‌زیرانی عێراق، عادل عه‌بدولمه‌ھدی ئه‌نجامدا و پشتیوانی ئه‌مریكای بۆ عێراق دووپاتكرده‌وه.
گوته‌بێژی وه‌زاره‌تی ده‌ره‌وه‌ی ئه‌مریكا، مۆرگان ئۆرتاگوس له‌باره‌ی په‌یوه‌ندییه ته‌له‌فۆنییه‌كه‌ی نێوان پۆمپیۆ و عه‌بدولمه‌ھدی راگه‌یه‌ندراوێكی بڵاوكرده‌وه.
ئۆرتاگۆس رایگه‌یاند "وه‌زیر پۆمپیۆ، ھه‌روه‌ك له چوارچێوه‌ی رێككه‌وتنی ستراتیژی هاوبه‌ش ئاماژه‌ی پێكراوه، دووباره پشتیوانی ئه‌مریكای بۆ عێراقێكی به‌ھێز، سه‌روه‌ر و خۆشگوزه‌ران دووپاتكردووه‌ته‌وه".
ھاوكات ئۆرتاگۆس راشیگه‌یاند كه "پۆمپیۆ پێشنیاری به‌ستنی په‌یوه‌ندی نزیكی له‌گه‌ڵ وڵاتانی عه‌ره‌بی دراوسێی عێراق بۆ عه‌بدولمه‌ھدی كردووه و جه‌ختیش له‌وه كراوه‌ته‌وه كه ئه‌مریكا و عێراق پێكه‌وه به‌رده‌وام ده‌بن له به‌ره‌نگاربوونه‌وه داعش تا به‌ته‌واوه‌تی له‌ناوبردنی"
کۆمێنت (0)
تا ئێستا هیچ کۆمێنتێک نەکراوە.