نووسینگه‌ی راگه‌یاندنی سه‌رۆكوه‌زیرانی عێراق راگه‌یه‌ندراوێكی بڵاوكرده‌وه و تیادا ئاماژه‌ی به‌وه‌داوه كه سه‌رۆكوه‌زیران، عادل عه‌بدولمه‌ھدی به سه‌رۆكایه‌تی شاندێكی باڵا به‌غدا-ی پایته‌ختی جێھێشتووه و به‌ره‌و سعوودیه به‌رێكه‌وتووه.
دوێنێ سێشه‌ممه، عادل عه‌بدولمه‌ھدی رایگه‌یاندبوو كه عێراق له به‌رده‌م گۆڕانكارییه‌كی گه‌وره‌دایه له په‌یوه‌ندییه‌كانی له‌گه‌ڵ سعوودیه‌دا.
سه‌رۆكوه‌زیرانی عێراق ئاماژه‌ی به‌وه‌شدابوو كه ھه‌موو لایه‌ك ئاگاداره له‌و سه‌ردانه‌ی كه بۆ سعوودیه ئه‌نجامی ده‌دات.
چاوه‌ڕان ده‌كرێت له چوارچێوه‌ی سه‌ردانه‌كه‌ی عادل عه‌بدولمه‌ھدی بۆ سعوودیه كه ماوه‌ی دوو رۆژ ده‌خایه‌نێت، ١٣ رێككه‌وتنی ھاوكاری له نێوان ھه‌ردوو وڵاتدا واژوو بكرێت.
١١ وه‌زیر، ٦٨ به‌رپرسی حكوومی و ٧٠ بازرگان یاوه‌ری عادل عه‌بدولمه‌ھدی ده‌كه‌ن له سه‌ردانه‌كه‌ی بۆ سعوودیه
کۆمێنت (0)
تا ئێستا هیچ کۆمێنتێک نەکراوە.