میدیاكانی ئێران بڵاویانكرده‌وه، هێلیكۆپته‌رێكی سه‌ربازیی سه‌ربه سوپای ئه‌و وڵاته له ناوچه‌ی دالامپه‌ر سه‌ربه ناحیه‌ی سیلڤانا له سنووری شاری ورمێ كه‌وتووه‌ته خواره‌وه و له ئاكامدا یاریده‌ده‌ری فڕۆكه‌وانه‌كه گیانی له‌ده‌ستداوه و شه‌ش كه‌سی دیكه‌ش كه كارمه‌ندی ئه‌منی بوون برینداربوون.
دوابه‌دوای رووداوه‌كه هێلیكۆپته‌رێك و 10 ئۆتۆمبێلی فریاكه‌وتن ره‌وانه‌ی ناوچه‌كه كران و برینداران گواسترانه‌وه نه‌خۆشخانه.
ئاماژه به‌وه كرا كه رووداوه‌كه له میانی به‌رزبوونه‌وه‌ی هێلیكۆپته‌ره‌كه و به هۆی تونده‌باوه روویداوه.
کۆمێنت (0)
تا ئێستا هیچ کۆمێنتێک نەکراوە.