به‌پێی هه‌واڵێكی شه‌فه‌ق نیوز كه له سه‌رچاوه‌یه‌كی ئه‌منی به‌ده‌ستی گه‌یشتووه دره‌نگانی شه‌وی ڕابردوو تیرۆریستانی داعش هێرشیان كرده سه‌ر هێزه‌كانی حه‌شدی عه‌شایری كه له هۆزه‌كانی سووننه‌ن له ڕۆژئاوای پارێزگای ئه‌نبار و به‌هۆیه‌وه یه‌كێك كوژرا و حه‌وتی تریش برینداربوون .
سه‌رچاوه‌كه ڕاشیگه‌یاند: چه‌كدارانی داعش هێرشه‌كه‌یان بۆ سه‌ر فه‌وجی چواری گه‌رمه له حه‌شدی عه‌شایری له ناوچه‌ی جه‌زیره ئه‌نجام داوه و ئه‌وانیش به‌رپه‌رچی هێرشه‌كه‌یان داوه‌ته‌‌وه و بۆ ماوه‌ی كاتژمێرێك شه‌ڕ به‌رده‌وام بووه .
هه‌روه‌ها به‌پێی زانیاری سه‌رچاوه‌كه ئه‌و هێزه له حه‌وت ده‌ورییه و 50 چه‌كدار پێكهاتووه، هه‌مان سه‌رچاوه ڕاشیگه‌یاندووه: به‌هۆی ته‌قینه‌وه‌ی بۆمبێكی چێندراو له ناوچه‌ی جه‌ره‌ف نه‌سر له باكووری پارێزگای بابل سێ ئه‌ندامی حه‌شدی شه‌عبی سه‌ر به لیوای 47 برینداربوون .
هه‌روه‌ها له شاری شه‌رگات له پارێزگای سه‌ڵاحه‌دینیش به‌هۆی ته‌قینه‌وه‌ی بۆمبێكی چێندراو به ده‌ورییه‌كی پۆلیسدا دوو پۆلیس برینداربوون .
کۆمێنت (0)
تا ئێستا هیچ کۆمێنتێک نەکراوە.