حامد عه‌باس په‌رله‌مانتاری هاوپه‌یمانی فه‌تح له كۆنگره‌یه‌كی رۆژنامه‌وانیدا رایگه‌یاند، دوای دانوستانی نێوان فه‌تح و سائیرون به شێوه‌یه‌كی كۆتایی كاندید كردنی فه‌یاز بۆ پۆستی وه‌زاره‌تی ناوخۆ كۆتایی هاتووه و كه‌سێكی تر له جێگای ئه‌و داده‌نرێت.
ناوبراو دووپاتی كرده‌وه بۆ چاره‌سه‌ری پۆستی وه‌زاره‌تی ناوخۆ دوای دانوستانی چڕو پڕ به‌و ئه‌نجامه گه‌یشتوون له كاندید كردنی فه‌یاز بۆ وه‌زاره‌تی ناوخۆ پاشگهز ببنه‌وه و كه‌سێكی ته‌كنۆقرات له هاوپه‌یمانی فه‌تح له جێگای ئه‌و دابنرێت.
عه‌باس گوتیشی، له‌دانیشتنی دووه‌م یان سێیه‌می خولی دووه‌می په‌رله‌مان كاندیدان بۆ پۆستی وه‌زاره‌تی ناوخۆ راده‌گه‌یه‌نن.
جه‌ختی كرده‌وه چوار كەسی تر بۆ وەرگرتنی پۆستی وەزیری ناخۆی كاندیدكراون، ئه‌وانیش كەسانی سەربازین و لەچەند رۆژی داهاتوو ناوەكانیان ئاشكرا دەكرێت
کۆمێنت (0)
تا ئێستا هیچ کۆمێنتێک نەکراوە.