سه‌رۆك وه‌زیرانی عێراق رایده‌گه‌ێنێ، 250 چه‌كداری داعش راده‌ستی عێراق كراون و له به‌ندیخانه‌یه‌كه‌ی گونجاویشدا به‌ند ده‌كرێن.
عادل عه‌بدولمه‌هدی له میانه‌ی كۆنگره‌ی رۆژنامه‌ی هه‌فتانه‌ی خۆیدا گوتی: 250 چه‌كداری داعش راده‌ستی عێراق كراون.
روونیشیكرده‌وه كه له‌لایه‌ن وه‌زاره‌تی ناوخۆو لایه‌نه په‌یوه‌ندیداره‌كانه‌وه ئه‌و چه‌كدارانه ده‌خرێنه به‌ندیخانه‌یه‌كی گونجاو, له‌وێ به‌ند ده‌كرێن.
سه‌باره‌ت به‌خێزانه‌كانیش گوتی: خێزانه‌كان به‌سه‌ر دوو گرووپ دابه‌شكراون، به‌شێكیان له‌لایه‌ن داعشه‌وه گه‌مارۆدرابوون، به‌شكێشیان له‌گه‌ڵ داعش رۆیشتوون، هه‌ر خێزانێك به گوێره‌ی بارودۆخه‌كه‌ی مامه‌ڵه‌ی له‌گه‌ڵدا ده‌كرێت.
گوتیشی: پێشوازی له‌و چه‌كداره داعشه بیانیانه ناكه‌ین ،كه له‌لایه‌ن وڵاتانه‌وه ره‌تكراونه‌ته‌وه.
ئاماده‌كردن و وه‌رگیڕان/ رزگار
کۆمێنت (0)
تا ئێستا هیچ کۆمێنتێک نەکراوە.