فراکسیۆنی پارتی دیموکراتی کوردستان لە پەرلەمانی کوردستان له ساڵیادی كۆچی دوایی سه‌ركرده‌ی هه‌میشه له‌یاد ئیدریس بارزانی په‌یامێكی راگه‌یاند و ده‌ڵێت: ئیدریس بارزانی، پەروەردەی دەستی بارزانی نەمری رێبەری بزاڤی رزگاریخوازی کوردستان بوو، سەرکردەیەکی ئاشتیخواز و گیانلەسەردەستێکی خاکی کوردستان بوو.
32 ساڵ بەر لە ئێستا، گەلی کورد سەرکردەیەکی بە ئەمەک و خەمخۆرێکی لەدەست دا. ئیدریس بارزانی، کە پەروەردەی دەستی بارزانی نەمری رێبەری بزاڤی رزگاریخوازی کوردستان بوو، سەرکردەیەکی ئاشتیخواز و گیانلەسەردەستێکی خاکی کوردستان بوو.
لە یادی کۆچی دوایی کاک ئیدریس بارزانیدا، کە ئەندازیاری ئاشتەوایی ناو ماڵی کوردستان بوو و خاوەنی بیرۆکەی بەرەی کوردستانی لە دژی رژێمی بەعس بوو، هیوادارین لایەنە سیاسییە کوردستانییەکان هەرچی زووە بگەنە رێککەوتن بۆ پێکهێنانی کابینەی نوێی حکوومەتی هەرێمی کوردستان و تێپەڕاندنی ئەم قۆناغەی ئێستا گەلەکەمانی پێدا تێدەپەڕێت.
دروود بۆ گیانی کاک ئیدریس بارزانی و ڕابه‌ری ڕۆحی نه‌ته‌وه‌ییمان مستەفا بارزانی نه‌مرو تێکڕای شه‌هیدانی کورد و کوردستان.
فراکسیۆنی پارتی دیموکراتی کوردستان
لە پەرلەمانی کوردستان
2019/1/30
کۆمێنت (0)
تا ئێستا هیچ کۆمێنتێک نەکراوە.