بارەگای بارزانی سەرەخۆشیی لە خانه‌واده‌ی ته‌لعه‌ت سامان دەکات

به‌ناوی خودای گه‌وره و میهره‌بان

بەڕێز خانه‌واده‌ی خوالێخۆشبوو ته‌لعه‌ت سامان
به‌بیستنی هه‌واڵی کۆچی دوایی ده‌رهێنه‌ر و شانۆکاری دیاری گه‌له‌که‌مان (ته‌لعه‌ت سامان) دڵگران بووین.
له‌ کایه‌ی هونه‌ری کوردی و به‌تاییه‌تی مێژووی شانۆی کوردی ناوی مامۆستا ته‌لعه‌ت و کاره‌ جوانه‌کانی بۆ خزمه‌تی میلله‌ته‌که‌ی و ره‌وتی هونه‌ری شانۆیی هه‌میشه‌ به‌ به‌رزی ده‌مێنێته‌وه‌.
به‌م بۆنه‌ خه‌مناکه‌وه‌ هاوبه‌شی خه‌می خانه‌واده‌ به‌ڕێزه‌که‌تانین و سه‌ره‌خۆشیمان ئاڕاسته‌ی ئێوه‌ و هونه‌رمه‌ندان و هونه‌ردۆستانی کوردستان ده‌که‌ین.
له‌ خودای مه‌زن داواکارین ئارامی و دڵنه‌وایی ببه‌خشێت به‌ هه‌موو لایه‌ک و خوالێخۆشبوو به‌ به‌هه‌شتی به‌رینی خۆی شاد بکات.

انالله‌ وانا الیه‌ راجعون
باره‌گای بارزانی