به‌ وێنه‌.. لە رووداوێکی هاتوچۆ 5 قوتابی زانکۆ برینداربوون

ئێوارەی دوێنێ لە ڕێگای سیدەکان ـ گوندی مجیسەر به‌هۆی وه‌رگه‌ڕانی ئۆتۆمبێلێکی پیکاب 5 کەس برینداربوون .

کاکەخان عەزیز بەرپرسى بنکەى هاتوچۆى سیدەکان بە کوردستان تیڤی رایگەیاند: ئێوارەی دوێنێ لە ڕێگایی سیدەکان ـ گوندی مجیسەر لە ئەنجامى وەگەڕانى ئۆتۆمبێلێکی پیکاب 5 کەس برینداربوون و بریندارەکان بۆ چارەسەری رەوانەى نەخۆشخانەى فریاکەوتنى سۆران کران .

بەرپرسى بنکەى هاتوچۆى سیدەکان راشیگەیاند: ئەو 5 كه‌سه‌ سەرجەمیان قوتابی زانکۆی سۆران بوون و بەمەبەستی پشووی هەینی گه‌ڕاونەتەوە بۆ ماڵ .

گوتیشی قوتابییه‌كان خەڵکی گوندی خراواو ئالانەن لە سنووری دەشتی هێرت و  و هۆکارى رووداوەکەش بەستنى رێگاوبانەکان و خێرا لێخوڕین بووه‌ .