گۆگل نوێترین نه‌خشه‌ی كوردستان له پێگه‌ی خۆی نمایشده‌كات
کۆمپانیای گۆگڵ لەوەڵامی سکاڵاکەی تورکیادا نەخشەیەکی نوێی کوردستان دادەنێت کە عەفرینیشی تێدایە، لەکاتێکدا نەخشەی پێشوو چەن شاری وەك عەفرینی لە نەخشەی کوردستان داماڵی بوو.
ده‌توانی ئه‌م لینكه‌ی خواره‌وه نه‌خشه‌ی كوردستان ببینن:
میدیاكانی توركیا له‌زاری وه‌زیری گواستنه‌وه‌ی ئه‌و وڵاته‌وه بڵاویان كرده‌وه كه ئه‌نكه‌ره به‌ڕه‌سمی داوای له كۆمپانیای گوگڵ كردوه نه‌خشه‌ی كوردستانی گه‌وره بسڕێته‌وه كه "به‌شێك له‌خاكی توركیا له‌خۆده‌گرێت."
ئه‌مه‌ش دوای ئه‌وه‌ی هات رۆژنامه‌ی حوڕییه‌ت-ی توركی بڵاویكرده‌وه كه كاهیت تۆران، وه‌زیری گواستنه‌وه‌ی توركیا له‌به‌رده‌م په‌رله‌مانی وڵاته‌كه‌یدا رایگه‌یاندوه كه ده‌سه‌ڵاتدارانی توركیا ئاگاداری ئه‌و نه‌خشه‌یه بون له‌سه‌ر گوگڵ ئێرس"Google Earth" كه به‌وته‌ی ئه‌و "به‌شێك له‌خاكی عێراق و ئێران و سوریاش له‌خۆده‌گرێت وه‌ك ناوچه‌یه‌كی جوگرافی كولتوری.
ئه‌و وه‌زیره‌ی توركیا وتوشیه‌تی"به‌رپرسانی ده‌سته‌ی ته‌كنه‌لۆژیای زانیاری و په‌یوه‌ندییه‌كان قسه‌یان له‌گه‌ڵ نوێنه‌رانی كۆمپانیای گوگڵ كردوه به‌مه‌به‌ستی ده‌ستبه‌جێ سڕینه‌وه‌ی ئه‌و نه‌خشه‌یه ئه‌وه‌ش وه‌ك به‌شێك له پابه‌ندییه‌كانی گوگڵ به یاسا نیشتمانی و نێوده‌وڵه‌تییه‌كانه‌وه.
کۆمێنت (0)
تا ئێستا هیچ کۆمێنتێک نەکراوە.