دانیشتنی پەرلەمانی عێراق بۆ سبەینێ یەکشەممە دواخرا و ئەمڕۆش دەنگ لەسەر دادوه‌رانی دادگای تێهه‌ڵچوونه‌وه‌ی فیدڕاڵی درا.
ئه‌مڕۆ شه‌ممه 22ی كانونی یه‌كه‌م، دانیشتنی ئەنجومەنی نوێنەرانی عێراق بەڕێوەچوو، تیایدا بە ئاماده‌بونی 241 په‌رله‌مانتار ده‌نگ له‌سه‌ر ئه‌و دادوه‌رانه درا كه بۆ دادگای تێهه‌ڵچونه‌وه‌ی فیدڕاڵی كاندید كرابوون.
لەسەرەتای دانیشتنەکەدا سه‌رجه‌م فراكسیۆنی كوردستانییه‌كان له‌سه‌ر نه‌بوونی نوێنه‌ری كورد له‌ناو كاندیدانی دادگاكه، بایكۆتی دانیشتنه‌كه‌یان كرد، بەڵام دواتر له‌گه‌ڵ محه‌مه‌د حه‌لبوسی كۆبوونه‌وه و كۆتاییان به بایكۆتی دانیشتنه‌كان هێنا.
دواتریش سه‌رۆكی په‌رله‌مانی عیراق بڕیاریدا له بری دواخستنی دانیشتنه‌كان بۆ سێشه‌ممه‌ی داهاتوو، رۆژانی یه‌كشه‌ممه و دووشه‌ممه‌ی داهاتوو 23 و 24ی كانونی یه‌كه‌م، درێژه به دانیشتنه‌كان بدرێت.
کۆمێنت (0)
تا ئێستا هیچ کۆمێنتێک نەکراوە.