دوای ئه‌وه‌ى شه‌وى رابردوو بەهۆی ڕووداوێکی ئاگرکەوتنەوە لە گەڕەکی ئاسودەی شارۆچکەی چەمچەماڵ سێ منداڵی خێزانێک گیانیان لەدەستدا.
په‌یامنێری كوردستان تیڤی لەشارۆچکەی چەمچەماڵ رایگه‌یاند: لەگەڕەکی ئاسوودە بەهۆی کەوتنەوەی ئاگر، دایکێک و سێ منداڵ سوتاون مناڵەکان گیانیان له‌ده‌ستدا.
گوتشی: بەهۆی ئاگرەکەوە دایکی منداڵەکانیش 80%ی جەستەی سوتاوە و بۆ چارەسەری پێویست ڕەوانەی نەخۆشخانەی فریاکەوتنی سلێمانی کراوە.
بەپێی لێکۆڵینەوە سەرەتایەییەکان هۆکاری ئاگرەکەی شۆرتی کارەبا بووە.
له‌په‌یامێكدا نچێیرڤان بارزانى سه‌رۆك وه‌زیرانى هه‌رێمى كوردستان له‌هه‌ژماری خۆی له‌تۆڕی كۆمه‌ڵایه‌تى فه‌یس بووك ڕایده‌گه‌ێنێت : کاره‌ساتی ئاگرکه‌وتنه‌وه‌ی شه‌وی ڕابردووی ماڵێکی چه‌مچه‌ماڵ که تیایدا سێ منداڵ گیانیان له ده‌ست دا و دایکیان به سه‌ختی بریندار بوو، له ناخه‌وه هه‌ژاندمی.
نچێرڤان بارزانى ڕاشیده‌گه‌ێنێت ، هاوبه‌ش و هاوخه‌می خانه‌واده‌یانم ، چی پێویست بێت، هاوکار ده‌بین ، داواى ئاگایی و خۆپاراستنى باشتر له هاووڵاتیان ده‌كه‌م.
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.