هێزه‌ ئه‌منییه‌کانى عێراق ڕێگه‌ ناده‌ن ڕۆژى ئاڵای کوردستان له‌ که‌رکوک به‌ڕێوه‌بچێت

ئه‌مرۆ سێشه‌ممه‌ 17 ى 12 ى 2018 ، ڕۆژى به‌رزكردنه‌وه‌ى ئاڵای كوردستان له‌هه‌رێمى كوردستان و له‌زۆرێك له‌شارو شارۆچكه‌كان ئه‌م ڕۆژه‌ به‌چه‌ندین چاڵاكی جۆراو جۆر به‌ڕز ڕاده‌گیرێت 

هه‌ڵۆ جه‌باری په‌یامنێری كوردستان تیڤى ڕایگه‌یاند ، له‌شاری كه‌ركوك له‌ قوتابخانه‌كان و شوێنه‌كانى دیكه‌ هێزه‌ ئه‌منییه‌كانى عێراق  ڕێگه‌ ناده‌ن ئاڵای كوردستان به‌رز بكرێته‌وه‌ ئه‌و ڕۆژه‌ به‌رز رابگیرێت

به‌هۆی ڕووداوه‌كانى 16 ى ئۆكتۆبه‌ر كه‌باڵێكى سه‌ربازی یه‌كێتى نیشتیمانى كوردستان هاوكاری حه‌شد و هێزه‌كانى دیكه‌ى عێراقی كرد ، كه‌ركوك و زۆرێك له‌شوێنانى دیكه‌ى سنوره‌كه‌ له‌ده‌ستدران و ناوچه‌كه‌ دووچاری داگیر كردن بوویه‌وه‌ ، به‌هۆیه‌وه‌ نزیك به‌ 200 هه‌زار خێزانى كورد ئاواره‌ بوون  ، به‌بڕیاری پارێزگاری سه‌پێندراوی كه‌ركوك ڕاكان جبوری ئاڵای كوردستان له‌كه‌ركوك و ناوچه‌كه‌ قه‌ده‌غه‌ كرا و ساڵی پاریش ڕێگه‌ نه‌درا ڕۆژى ئاڵای كوردستان به‌رز رابگیرێت 

شوان عه‌زیز