فالح فەیاز، سوربوونى خۆى لەسەر کاندیدبونی بۆ پۆستى وەزارەتى ناوخۆ دووپات دەکاتەوە ده‌ڵێت لەژێر فشار و هەڕەشەی لایەنەكانیش ناكشێمەوە، ئەوە دەخاتەڕوو کە لەلایەن سەرۆک وەزیرانەوە بۆ ئەو پۆستە کاندید کراوم.
فالح فەیاز، سەرۆكی حزبی عەتا لەمیانەی بەڕێوەچونی مەراسیمێك كە هاوپەیمانی فەتح بەبۆنەی رۆژی سەركەوتن ئەنجامیدابوو لەوتارێكدا رایگەیاند، من دڵنایی دەدەم لەكاندیدبوونم بۆ پۆستی وەزارەتی ناوخۆ و لەژێر فشار وهەڕەشەی لایەنەكانیش ناكشێمەوە.
ئاماژەی بەوەشكرد، سوپاسی عادل عەبدولمەهدی دەكەم كە بۆ ئەو پۆستە كاندیدی كردووم .
باسی لەوەشكرد، كاندیدكردنم لەلایەن سەركردایەتی بۆ هەر پۆستێك لەڕابردوودا بەباشی ئەركەكەم بەرێوەبردووە و لەبەرپرسیارەتیش رام نەكردووە.
ئەو لێدوانە دوای ئەوەهات کە بەهۆی ناکۆکی لایەنەکانەوە تائێستا نەتوانراوە، پۆستی هەشت وەزارەتی کابینەکەی عەبدولمەهدی پڕبکرێتەوە و زۆرترین ناکۆکیش لەسەر پۆستی وەزارەتی ناوخۆ و کاندیدەکەیەتی.
کۆمێنت (0)
تا ئێستا هیچ کۆمێنتێک نەکراوە.