كورددستان تی ڤی به‌سه‌رهات و چیرۆكی ئازاره‌كانی كچه ئێزیدی " له‌یلا ته‌علۆ " كه بۆ ماوه‌ی 2 ساڵ و نیو له لایه‌ن تیرۆریستانی داعش رووبه‌رووی ئازاری ده‌روونی و جه‌سته‌یی بوه‌وه ، ده‌كات به دیكۆدرامایه‌ك .
له‌یلا ته‌علۆ یه‌كیك له‌و هه‌زاران خانمه ئێزیدییانه‌یه كه له په‌لاماردانی شه‌نگاڵدا كه‌وتنه ده‌ست تیرۆریستانی داعش و زیاتر له دوو ساڵ و نیو له ژێر ده‌ستی چه‌كدرانی داعش به توندترین شێوه له رووی جه‌سته‌یی و ده‌روونییه‌وه ئه‌شكه‌نجه درا ، به‌ڵام له كۆتاییدا رزگاری بوو .
دوای رزگاربوونی له ده‌ستی داعش ، نووسه‌ری كورد " خالید ته‌علۆ " به‌سه‌رهاته تاڵه‌كه‌ی " له‌یلا " ی خوشكی له ژێر ناوی " له‌یلا و شه‌وانی به ئازار"ده‌كات به كتێبێك .
به سوود وه‌رگرتن له‌م كتێبه و له ماوه‌ی رابردوودا ، میدیاكار و پێشكه‌شكاری كوردستان تیڤی " هێرۆ ئیسماعیل عارف " له ژێر ناوی ( 2 ساڵ و 8 مانگ و 6 رۆژ ) چیرۆكه تاڵ و به ئازاره‌كه‌ی له‌یلای كردووه به دیكۆدرامایه‌ك و كاری ئاماده‌كاری و ده‌رهێنانی بۆ ئه‌نجامداوه .
دوێنێ ئێواره فیلمه‌كه بە ئامادەبوونی ژمارەیەكی بەرچاو لە سینەماكار و میدیاكار و رۆشنبیران ، لە لایەن كوردستان تی ڤی لە نمایشێكی تایبەتیدا لە هەولێر و لە سینەما ئەمپایەر ، یەكەمین نمایش كرا و ناوەڕۆك و دەرهێنان و ئاستی هونەریی كارەكە جێی سەرسامی و دەستخۆشیی ئامادەبوان بوو.
کۆمێنت (0)
تا ئێستا هیچ کۆمێنتێک نەکراوە.