له راگه‌یه‌ندراوێكدا، به‌ڕێوه‌به‌رایه‌تی پۆلیسی پارێزگای سلێمانی رایگه‌یاند، كه پاشنیوه‌ڕۆی ئه‌مڕۆ كاتژمێر 5:30 خوله‌ك له گوندی كه‌وه‌ڵه‌ی سه‌ربه ناحیه‌ی سه‌نگاو به‌هۆی باران بارینی به‌خوڕ و دروستبوونی لافاو كچێكی ته‌مه‌ن 16 ساڵ ئاو بردی و گیانی له‌ده‌ست دا".
ئاماژه‌شی به‌وه‌دا كه دوای گه‌یشتنی هێزه‌كانی پۆلیس و تیمه فریاگوزارییه‌كان ته‌رمی كچه‌كه به خنكاوی ده‌رهێنرایه‌وه و له‌لایه‌ن بنكه‌ی پۆلیسی سه‌نگاوه‌وه په‌ڕاوی لێكۆڵینه‌وه بۆ رووداوه‌كه كراوه‌ته‌وه".
پۆلیس ئه‌وه‌شی خستووه‌ته‌ڕوو كه كچه‌كه 16 ساڵانه‌و ناوی (و. ع. ع.)یه و به‌ڕه‌گه‌ز عه‌ره‌به و به‌مه‌به‌ستی كاری ئاژه‌ڵداری (شوانی) له‌گه‌ڵ خێزانه‌كه‌ی روویان له‌ناوچه‌ی سه‌نگاو كردووه".
هه‌ر بەهۆی زۆری باران بارین و هاتنی لافاو، پردی قەترە که دەکەوێته نێوان شاری کەلار - دەربەندیخان بەشێک له پردەکه ڕوخاوە و هاتوچۆکردن تیایدا وەستاوه .
بەگویرەی راگەیاندنێکی هاتوچۆی گەرمیان، له ئێستادا بەفەرمانی بەڕێوەبەری هاتوچۆی گەرمیان مەفرەزەکانی هاتوچۆی گەرمیان ڕێنوێنی دەدەنە شۆفێران که ڕێگای بناری بەمۆ به کاربهێنن.
کۆمێنت (0)
تا ئێستا هیچ کۆمێنتێک نەکراوە.