حه‌وت تۆمه‌تباری داواکراو له‌ سلێمانی ده‌ستگیرکران

هێزه‌كانی بنكه‌ی پۆلیسی سه‌رای سه‌ر به‌ به‌ڕێوه‌به‌رایه‌تی پۆلیسی پارێزگای سلێمانی پێنج تۆمه‌تباریان ده‌ستگیركرد كه‌ له‌لایه‌ن دادگاوه‌ داواكراو بوون.

پۆلیسی سلێمانی له‌ ڕاگه‌ێندراوێكیدا له‌ تۆڕی كۆمه‌ڵایه‌تی فه‌یسبووك ڕایگه‌یاند: تۆمه‌تبارێك ده‌ستگیركرا كه‌ به‌چه‌قۆ هێرشی كردۆته‌ سه‌رهاوڵاتیان و دوو كه‌سی بریندار كردووه‌ و له‌ ئێستادا تۆمه‌تبار به‌ فه‌رمانی دادوه‌رو به‌پێی مادده‌ی 31-405 له‌یاسای سزادانی عیراقی ڕاگیراوه‌ .

ڕاشیگه‌یاندووه‌: له‌كاتی ده‌ستگیركردنی تۆمه‌تباریش له‌ لایه‌ن هێزه‌كانی پۆلیسه‌وه‌ ده‌ستگیراوه‌ به‌سه‌ر چه‌ند پارچه‌ چه‌قۆو بۆكس خه‌نجه‌رێكدا .

هه‌روه‌ها ڕاشیگه‌یاندووه‌: دوو تۆمه‌تباری دیكه‌ ده‌ستگیركران كه‌ هه‌ردووكیان حه‌وت فه‌رمانی ده‌ستگیركردنیان هه‌بووه‌ وله‌ ئێستادا به‌فه‌رمانی داوه‌رو به‌ پێی مادده‌ی 456 له‌یاسای سزادانی عیراقی ڕاگیراون.

هه‌روه‌ها ڕایگه‌یاندووه‌: دوو تۆمه‌تباری تر ده‌ستگیركران كه‌ تۆمه‌تبارێكیان كه‌سێكی به‌ئۆتۆمبێل شێلاوه‌و هه‌ڵاتووه‌ و دواتر له‌ لایه‌ن هێزه‌كانی بنكه‌ی پۆلیسی سه‌راوه‌ ده‌ستگیركراوه‌ ، تۆمه‌تباره‌كه‌ی تریان فیڵی له‌ هاوڵاتیان كردووه‌و پاره‌ی لێسه‌ندون .

پۆلیس ڕاشیگه‌یاندووه‌: له‌ لایه‌ن بنكه‌ی پۆلیسی ته‌كیه‌ی سه‌ر به‌ به‌شی پۆلیسی چه‌مچه‌ماڵ دوو تۆمه‌تبار ده‌ستگیركران كه‌ فه‌رمانی ده‌ستگیركردنیان هه‌بووه‌ به‌ پێی مادده‌كانی 443 و 431 له‌یاسای سزادانی عیراقی .