به‌هۆی باران بارینی به‌خوڕ كه ماوه‌ی چه‌ند كاتژمێرێكه شاری هه‌ولێری گرتووه‌ته‌وه لافاو دروستبوو و نهۆمی یه‌كه‌می شوقه‌كانی گه‌ڕه‌كی شه‌هیدان كه ده‌كه‌وێته ته‌نیشت باره‌گای مه‌كته‌بی سیاسی یه‌كێتی ، ژێرئاو كه‌وت.
به‌گوته‌ی شاهێدحاڵه‌كان له شوێنی رووداوه‌كه، لافاوه‌كه به‌هۆی رووخانی پردێكه‌وه روویداوه كه له ناحیه‌ی داره‌توو سه‌ر به قه‌زای ده‌شتی هه‌ولێر بۆ گلدانه‌وه‌ی ئاو دروست كراوه.
وه‌ك شاهێدحاڵه‌كان ئاماژه‌ی پێ ده‌ده‌ن، رووخانی ئه‌و پرده بووه‌ته هۆی دروستبوونی لافاو له گه‌ڕه‌كی شه‌هیدان.
لافاوه‌كه ته‌نها زیانی ماددی به دانیشتوانی ئه‌و گه‌ڕه‌كه گه‌یاندووه و هیچ زیانێكی گیانی به‌دواوه نه‌بووه.
کۆمێنت (0)
تا ئێستا هیچ کۆمێنتێک نەکراوە.