له‌نووسراوێكدا كه‌وێنه‌یه‌ك ده‌ست مالپه‌ری كوردستان تیڤى كه‌وتووه ، وه‌زاره‌تى په‌روه‌رده‌ى هه‌رێمى كوردستان سزای گزی له‌كاتى تاقی كردنه‌وه‌ى پۆلی 12 ى ئاماده‌یی ڕاگه‌یاند
نووسراوه‌كه كه‌واژۆی پشتیوان سادق وه‌زیری په‌روه‌رده‌ی له‌سه‌ره و ئاراسته‌ى په‌روه‌رده‌كانى هه‌ولێر ، دهۆك ، سلێمانى ، هه‌له‌بجه‌ی شه‌هید كراوه ، سزاكانى گزی قوتابیانی پۆلی 12ی ئاماده‌یی له‌كاتى تاقیكردنه‌وه‌كاندا ڕوونكراوه‌ته‌وه
كه‌تێیدا هاتووه ، ئه‌گه‌ر هاتوو قوتابی یه‌كه‌م ساڵی بوو و گزی كرد ئه‌وا بۆ ساڵی داهاتوو مافی به‌شداربوونی له تاقیكردنه‌وه گشتییه‌كاندا نامێنێت و ساڵێك دواتر ده‌چێته خوێندی ئێواران، به‌ڵام ئه‌گه‌ر قوتابی ساڵی دووه‌می بوو گزی كرد ئه‌وا بۆ ساڵی داهاتوو مافی به‌شداربوونی له تاقیكردنه‌وه گشتییه‌كاندا نامێنێت و ساڵێك دواتریش ده‌بێت تاقیكردنه‌وه‌ی به‌رایی "ده‌ره‌كی" ئه‌نجام بدات.
ڕاشیده‌گه‌یه‌نن ، ئه‌گه‌ر قوتابی سیسته‌می ئێواران گزی كرد ئه‌وا بۆ ساڵی داهاتوو مافی به‌شداربوونی له تاقیكردنه‌وه گشتییه‌كاندا نامێنێت و بۆ ساڵی داهاتوو له‌ڕێی تاقیكردنه‌وه‌ی به‌رایی ده‌توانێت به‌شداری ئه‌زموونه گشتییه‌كان بكاته‌وه و ئه‌گه‌ر قوتابی ده‌ره‌كی یه‌ك بابه‌ت و دوو بابه‌ت گزی كرد ئه‌وا بۆ ساڵی داهاتوو مافی به‌شداربوونی له تاقیكردنه‌وه گشتییه‌كاندا نامێنێت و ساڵێك دواتر ده‌توانێت تاقیكردنه‌وه‌كان ئه‌نجام بدات به ڕێگای به‌رایی، به‌ڵام گشت بابه‌ته‌كان.
شوان عه‌زیز
کۆمێنت (0)
تا ئێستا هیچ کۆمێنتێک نەکراوە.