ماڵپه‌ڕێكی ئه‌مریكی تایبه‌ت به كه‌شناسی جیهانی پێشبینی كردووه كه له رۆژانی پێنج شه‌ممه‌و هه‌ینی باران بارین شاره‌كانی هه‌رێمی كوردستان بگرێته‌وه.
هاوكات ساده‌ق عه‌تیه، پێشبینكه‌ری كه‌شناسی ئه‌مڕۆ سێشه‌ممه له تۆڕی كۆمه‌ڵایه‌تی فه‌یسبووك راگه‌یاندووه: رۆژی پێنج شه‌ممه شه‌پۆلێكی بارانی به‌خوڕ ناوچه‌كانی ئه‌نبارو موسڵ ده‌گرێته‌وه.
هه‌روه‌ها ده‌شڵێت: شه‌پۆڵه‌كه له رۆژی هه‌ینی شاره‌كانی ناوه‌راستی عێراق و به‌غدا و ده‌شتاییه‌كانی نه‌جه‌ف و دیاله و سه‌رجه‌م شاره‌كانی هه‌رێمی كوردستان ده‌گرێته‌وه.
هه‌روه‌ها ده‌سته‌ی كه‌شناسی عێراق پێشبینی كردووه له رۆژانی پێنج شه‌ممه‌و هه‌ینی و شه‌ممه شه‌پۆڵێكی باران بارین چه‌ند ناوچه‌یه‌كی عێراق و هه‌رێمی كوردستان بگرێته‌وه.
ئاماده‌كردنی / رزگار
کۆمێنت (0)
تا ئێستا هیچ کۆمێنتێک نەکراوە.