فراكسیۆنی حیكمه له په‌رله‌مانی عێراق ئه‌مڕۆ شه‌ممه له‌كۆنگره‌یه‌كی رۆژنامه‌وانیدا كه له‌نێو باڵه‌خانه‌ی ئه‌نجومه‌نی نوێنه‌رانی عێراق سازیان دابوو، پێشنیارێكیان خسته روو كه‌تیایدا داوا ده‌كه‌ن پارچه‌یه‌ك زه‌وی نیشته‌جێبوون به هێزه ئه‌منییه‌كان و ئه‌ندامانی حه‌شدی شه‌عبی و هێزه‌كانی پێشمه‌رگه بدرێت.
له‌كۆنگره رۆژنامه‌وانییه‌كه‌دا عه‌باس سه‌روت ، ئه‌ندامی فراكسیۆنی حیكمه له په‌رله‌مانی عێراق رایگه‌یاند: بۆ ئه‌و ئه‌رك و ماندووبوونه‌وه‌ی كه‌هێزه ئه‌منییه‌كان له پاراستنی خاك و گه‌ل نواندویانه ، پێشنیار ده‌كه‌ین پارچه‌یه‌ك زه‌وی نیشته‌جێبوون به كارمه‌ندانی هێزه ئه‌منییه‌كان و حه‌شدی شه‌عبی و هێزه‌كانی پێشمه‌رگه بدرێت.
شایانی باسه رۆژی سێ شه‌ممه‌ی رابردوو عادل عه‌بدولمه‌هدی، سه‌رۆك وه‌زیرانی عێراق له میانه‌ی كۆنگره‌ی رۆژنامه‌وانی هه‌فتانه‌ی خۆیدا رایگه‌یاند، له‌هه‌موو پارێزگاكانی عێراق ده‌ست به دروستكردنی یه‌كه‌ی نیشته‌جیبَون ده‌كه‌ن و به‌سه‌ر هاووڵاتیان دابه‌شی ده‌كه‌ن.
دوای سه‌ردانه‌كه‌ی سه‌رۆك بارزانی بۆ به‌غدا ، خه‌ریكه ئه‌و به‌سته‌ڵه‌كه‌ی نێوان هه‌ولێر و به‌غدا ده‌توێته‌وه‌و چاودێرانی سیاسیش سه‌ردانه‌كه به گرنگ و پڕبایه‌خ بۆ ئایینده‌ی په‌یوه‌ندییه‌كانی نێوان هه‌رێمی كوردستان و به‌غدا وه‌سف ده‌كه‌ن و پێیان وایه ده‌ستپێكێكی باشه بۆ هێوركردنه‌وه‌ی گرژییه‌كانی نێوان هه‌ردوولا.
ئاماده‌كردنی / رزگار
سه‌رچاوه/ سۆمه‌رییه
کۆمێنت (0)
تا ئێستا هیچ کۆمێنتێک نەکراوە.