له‌دوای ئه‌و شه‌پۆله‌ی بارانی به‌خوڕ كه ناوچه‌كانی باكووری عێراقی گرته‌وه، ژماره‌ی ئه‌و كه‌سانه‌ی كه به‌هۆی لافاوه‌وه گیانیان له‌ده‌ستداوه بۆ 17 كه‌س به‌رزبوویه‌وه و 22 كه‌سی دیكه‌ش برینداربوون.
سه‌عید به‌در، گوته‌بێژی وه‌زاره‌تی ته‌ندروستی عێراق له راگه‌یه‌ندراوێكدا ئاشكرایكردووه له پارێزگای سه‌ڵاحه‌دین پێنج كه‌س، له زیقار دوو كه‌س، له به‌سڕه كه‌سێك و له واست و میسان دوو كه‌س گیانیان له‌ده‌ستداوه.
به‌پێی ئه‌و زانیارییانه‌ش كه ده‌ستكه‌وتوون، به‌هۆی لافاوه‌وه 22 كه‌س برینداربوون.
هاوكات قایمقامی شارۆچكه‌ی شه‌رگات، عه‌لی دودی له راگه‌یه‌ندراوێكدا پێشتر باسی له‌وه‌كردبوو له شارۆچكه‌كه‌یان لافاو بووه‌ته هۆی وێرانكاریی زۆر و به‌هۆیه‌وه حه‌وت كه‌س گیانیان له‌ده‌ستداوه كه پێنجیان مناڵن و به‌پێی ئاماره سه‌ره‌تاییه‌كان 300 خانوو زیانی زۆریان به‌ركه‌وتووه.
کۆمێنت (0)
تا ئێستا هیچ کۆمێنتێک نەکراوە.