سه‌رۆك وه‌زیرانی عێراق سه‌باره‌ت به‌و وه‌زاره‌تانه‌ی یه‌كلایی نه‌كراونه‌ته‌وه، هه‌ڕه‌شه‌ی ئاشكراكردنی چه‌ند نهێنییه‌كی پشت په‌رده بۆ شه‌قامی عێراقی ده‌كات.
رۆژنامه‌یه‌كی عه‌ره‌بی رایگه‌یاندووه كه عادل عه‌بدولمه‌هدی، سه‌رۆك وه‌زیرانی عێراق داوای له‌كوتله سیاسییه‌كان كردووه كه ئه‌و گاڵته جاڕییه سیاسیانه سه‌باره‌ت به یه‌كلایی نه‌كردنه‌وه‌ی وه‌زاره‌ته‌كان رابگرن، ئه‌گه‌رنا ئه‌وه‌ی له‌پشت په‌رده‌كان رووده‌دات هه‌مووی بۆ شه‌قامی عێراقی ئاشكرا ده‌كات.
دوێنێ عه‌باس موسه‌وی، وته‌بێژ به‌ناوی ئیئتیلافی ده‌وڵه‌تی یاسا رایگه‌یاند، سه‌رۆك وه‌زیرانی عێراق له‌سه‌دا 70ی ئه‌و وه‌زاره‌تانه‌ی ماون، یه‌كلایی كردۆته‌وه‌و دوور نییه له هه‌فته‌ی داهاتوو ئاراسته‌ی ئه‌نجومه‌نی نوێنه‌رانی عێراقی بكات.
ئاماده‌كردنی / رزگار
سه‌رچاوه / سۆمه‌رییه
کۆمێنت (0)
تا ئێستا هیچ کۆمێنتێک نەکراوە.