كاتژمێر 7ی به‌ره‌به‌یانی ئه‌مڕۆ 5 شه‌ممه له‌نزیك مزگه‌وتی فیرده‌وس له قه‌زای زاخۆ ڕووداوێكی ڕووداوێكی هاتووچۆ ڕوویداو به‌هۆیه‌وه شۆفێری ئۆتۆمبیله‌كه به‌سه‌ختی بریندار بوو.
له‌مباره‌یه‌وه پۆلیسی هاتووچۆی زاخۆ ڕایگه‌یاند: ڕووداوه‌كه له نزیك مزگه‌وتی فیرده‌وس ڕوویداوه، له كاتێكدا گه‌نجێك كه به خێراییه‌كی زۆره‌وه به ئۆتۆمبیلێكی پیكاب / بارهه‌ڵگرخۆی كێشاوه به دوكانه‌كی شه‌قامه‌كه و به‌هۆیه‌وه ئۆتۆمبیله‌كه‌ی تێك شكاوه و خۆشی به‌سه‌ختی بریندار بووه و ڕه‌وانه‌ی نه‌خۆشخانه‌ی فریاكه‌وتنی زاخۆ كراوه.
ڕاشیگه‌یاند: گه‌نجه‌كه مۆڵه‌تی شۆفێری نه‌بووه و ئێستاش په‌ڕاوی لێكۆڵینه‌وه بۆ ڕووداوه‌كه ڕێكخراوه.
کۆمێنت (0)
تا ئێستا هیچ کۆمێنتێک نەکراوە.