سێ هاوڵاتی به هۆی بۆردوومانی فڕۆكه جه‌نگییه‌كانی توركیا بۆ سه‌ر بنكه‌و باره‌گاكانی په‌كه‌كه له كۆنه گوندی ئه‌ره‌دنا له ئامێدی گیانیان له ده‌ستدا.
له‌مباره‌یه‌وه په‌یامنێرمان له ئامێدی پێی ڕاگه‌یاندین: شه‌وی ڕابردوو به‌هۆی بۆردوومانی چڕی فڕۆكه جه‌نگییه‌كانی توركیا بۆ سه‌ر بنكه‌و باره‌گاكانی په‌كه‌كه له ناوچه‌كه 3 هاوڵاتی كۆمه‌ڵگه‌ی قه‌دیشی سه‌ر به قه‌زای ئامێدی بوونه قوربانی.
ڕاشیگه‌یاند: دوو له قوربانیه‌كان پێشمه‌رگه بوون و یه‌كێكی تریشیان كادیری پارتی دیموكراتی كوردستانه.
هه‌روه‌ها ڕاشیگه‌یاند: هه‌رسێكیان خه‌ڵكی گوندی ئه‌ره‌دنان و به‌مه‌ستی له‌وه‌ڕاندنی مه‌ڕو ماڵات چوونه‌ته گوندی كۆنی ئه‌ره‌دنا و هه‌ر له‌وێش به‌هۆی بۆردوومانی چڕی فڕۆكه جه‌نگییه‌كانی توركیاوه گیانیان له‌ده‌ستداوه.
کۆمێنت (0)
تا ئێستا هیچ کۆمێنتێک نەکراوە.