سزای زیندانیی هەتاهەتایی بەسەر دوو ئەندامی داعشدا سەپێنرا

سەرۆکایەتی دادگای تاوانەکانی کەرکوک/گەرمیان سزای بەسەر دوو ئەندامی کوردی ناو رێکخراوی داعش سەپاند.

سەرۆكایەتی دادگای تاوانەكانی كەركوك/گەرمیان لە راگەیەندراوێكدا هاتووه‌، لە چوارچێوەی هەڵمەتە بەردەوامەكانی هێزەكانی بەرێوەبەرایەتی ئاسایشی گەرمیان و پاش كۆكردنەوەی زانیاری ورد و تەواو لە ڕۆژانی 23و26/1/2018 توانرا دوو تاوانبار دەستگیربكرێن.

ئاماژەی بەوەشكردووە، ئەو دوو كەسەی دەستگیركراون لە دایكبووی ساڵانی 1996 و 1984 ن و دانیشتووی گوندی (گۆڕە شەلە)ی ناحیەی قۆرەتوون، بە تۆمەتی پەیوەندیان بە رێكخراوی داعشەوە و هاوكاری كردنی ئەو گروپە لە سنووری قەزای كەلار و ناحیەی پێباز بە پێی ماددەی 2ی دەستگیربكرێن، و هەروەها توانراویشە ئۆتۆمبیلێك و چەند چەكێك و كۆمەڵێك تەقەمەنی و(TNT)یان پێوەبگیرێت.

لە راگەیەندراوەكەی سەرۆكایەتی دادگای تاوانەكانی كەركوك/گەرمیان-دا هاتووە، دوای ئەوەی دۆسێكەیان خراوەتە بەردەم دادوەری لێكۆڵینەوەو خستنە ڕووی بەڵگەكان و دانپیادانانی تاونباران، كە سەر بە رێكخراوی داعشن، رۆژی 13ی ئەم مانگە لەلایەن سەرۆكایەتی دادگای تاوانەكانی كەركووك/گەرمیان بە پێی ماددەی 156ی بۆ  هەر یەكەیان سزای هەتا هەتایان بە سەردا بسەپێنرێت.

دواتر بۆ بەرسەربردنی ماوەی سزاكەیان هەر دوو تاوانباری ناوبراو ڕەوانەی بەرێوەبەرایەتی چاكسازی گەورانی سلێمانی كران.