چه‌ند چه‌كدارێك هێرش ده‌كه‌نه سه‌ر ماڵی ئه‌فسه‌رانی حه‌شدی عه‌شایری سوننه، سه‌ر به پارێزگای ئه‌نبا به‌و هۆیه‌شه‌وه نۆ ئه‌فسه‌ر كوژران.
سه‌رچاوه ئه‌منییه‌كان بڵاویانكرده‌وه چه‌ند چه‌كدارێك هه‌ڵیانكوتاوه سه‌ر ماڵی ئه‌فسه‌رانی حه‌شدی عه‌شایری سوننه له باكووری ڕۆژهه‌ڵاتی فه‌لوجه‌ی سه‌ر به پارێزگای ئه‌نبار و به‌و هۆیه‌شه‌وه نۆ ئه‌فسه‌ر كوژران.
ئه‌و سه‌رچاوه‌یه ئاماژه‌ی به‌وه‌شكرد كه تاوه‌كو ئێستا هیچ گرووپێك ئه‌م هێرشه‌ی له ئه‌ستۆ نه‌گرتووه، به‌ڵام هێزه ئه‌منییه‌كان وا پێشبینی ده‌كه‌ن كه كاری تیرۆریستانی داعش بێت چونكه له ئێستادا جموجوڵ و چالاكییان له‌و ناوچه‌یه‌دا زۆر زیادی كردووه.
سه‌رچاوه‌كه ئاشكراشیكرد كه حه‌شدی عه‌شایری تۆڕێكن له چه‌كدارانی سوننه پێكهاتبوون بۆ پاڵپشتیكردن له حكومه‌تی عێراقی له كاتی شه‌ڕه‌كانی دژ به داعش.
کۆمێنت (0)
تا ئێستا هیچ کۆمێنتێک نەکراوە.