ته‌قینه‌وه‌یه‌ك له شاری جه‌رابلوسی سه‌ر به پارێزگای حه‌له‌ب له باكووری سووریا ڕوویدا و به هۆیه‌وه 24 كه‌س بریندار بوون و هاوڵاتییه‌كی مه‌ده‌نیش گیانی له‌ده‌ستدا.
ئاژانسی ئه‌نادۆڵۆی توركی بڵویكرده‌وه كه له ئه‌نجامی ته‌قینه‌وه‌ی ئۆتۆمبیلێكی بۆمبڕێژكراو له شاری جه‌رابلوس سه‌ربه پارێزگای حه‌له‌ب باكووری سووریا، كه‌سێكی مه‌ده‌نی كوژرا و ٢٤ی دیكه‌ش برینداربوون.
ڕاشیگه‌یاندووه: ته‌قینه‌وه‌كه له‌به‌رده‌م خوێندنگه‌ی ئه‌حمه‌د سه‌لیم موللا له شارۆچكه‌ی جه‌رابلوس باكووری سووریا ڕوویداوه.
هه‌روه‌ها ڕاشیگه‌یاندووه: برینی 5 كه‌س له به‌ركه‌وته‌كانی ته‌قینه‌وه‌كه سه‌خته و به‌هۆی سه‌ختی برینه‌كانیشیانه‌وه ڕه‌وانه‌ی نه‌خۆشخانه‌كانی توركیا كراون و ئه‌وانی دیكه‌ش برانه نه‌خۆشخانه‌كانی جه‌رابلوس.
ده‌شڵێت: له كاتێكدا كه تیمه‌كانی به‌رگری شارستانی سه‌رگه‌رمی كوژاندنه‌وه‌ی ئاگره‌كانن، هێزه ئه‌منییه‌كان ده‌ستیان به گرتنه‌به‌ری رێوشوێنه‌كان كردووه. و تا ئێستاش هیچ لایه‌نێك به‌رپرسیاریه‌تی خۆی له ئه‌نجامدانی ته‌قینه‌وه‌كه رانه‌گه‌یاندووه.
کۆمێنت (0)
تا ئێستا هیچ کۆمێنتێک نەکراوە.